اللحمه المشويه ... بالصور

المقادير

لحمه ضانى او عاديه

ملح

فلفل

بهارات لحمه

خل

زيت

توم قطع

بصل مبشور

طماطم مبشور




الطريقه


نعمل شرط فى اللحمه ونحط فيها التوم وبعدين نتبل اللحمه بالتوابل كويس على الوشين
وبعدين نحط البصل وبعده الطاطم وكله على الوشين عشان تتبل كويس ان شاء الله ومننساش معلقه الخل والزيت
والخل عشان يطرى اللحمه والزيت عشان متلزقش فى الشوايه ولو فيها دهون مش مهم الزيت





وبعدين بشيل اللحمه من الخلطه وافرد الخلطه فى طيق واحط فوقيها اللحمه وبعدين طبقه تانيه من
الخلطه ونغطيها وتدخل التلاجه ترتاح ساعه او ساعتين يعنى كل ما تقعد اكتر تتشرب الخلطه اكتر وتبقا احلى ان شاء الله




وبعدين تخرج من التلاجه وتتحط على الشوايه بالخلطه عشان لما بتتسوتى بتدى تيست حلو ما شاء الله وتقدم وبالهنا والشفا ويبقا جمبها سلطه طحينه

يمكنك التعليق باستخدام الفيس بوك

0 تعليقات

اترك تعليق