فيديو .الحزب الوطني. أوبريت "الخيبة الكبيرة"

تداول نشطاء على الفيس بوك فيديو على اليوتيوب بعنوان " الخيبة الكبيرة " تعليقا على خبر حل الحزب الوطنى، و"الخيبة الكبيرة " هو أوبريت ساخر من انتاج الاخوان المسلمين،


 كان قد أنتجه ناشطون من شباب الإخوان فى أعقاب تزوير انتخابات مجلس الشعب 2010
.

أوبريت "الخيبة الكبيرة" كلماتها تحاكي كلمات أوبريت الليلة الكبيرة، وتحمل صوراً لنواب الوطني في مجلس الشعب وهم نائمون، إلي جانب مشاهد لقوات أمن وجنود في الشوارع وأمام اللجان الانتخابية.

وتقول كلمات " الخيبة الكبيرة ":

قايمة حزب الفساد وظبطوها..

واتخانقوا كتير قوي لما اختاروها..

قايمة حزب الوالي بالظلم جايه..

محلى القوايم لما زوروها..

ادفع ادفع ادفع ادفع..

دا اللي ما يدفع..

عندنا يرجع..

يرجع يرجع يرجع يرجع

يرجع يرجع ويقول..

اللي قال الحزب اختارني..

خش واتقرطس ولا ولا شارني..

يسترك هات حزب بقرش..

هه هه هه هه

حزب مالوش شعبية..

حزب لا ليك ولا ليا..

الحق اسرق زور اسعي..

ده الصندوق أبو ذمة واسعة ..

الله الله

----

الخيبة الكبيرة يا عمي..

والعسكر كتيرة..

ماليين الشوارع يابا بالشوم والبنادق..

دول مخبرين دول أمن دولة..

دول بلطجية جايين مقاولة..

*يا حضرة الأراجوز قولي..

نعم يا ناخب عاوز إيه..

*الخير حقيقي هيوصلي..

امدح نبينا وصلي عليه..

هيخدعوك علطول علطول لحد ما تدي صوتك..

*لحد ما ادي صوتي

تسأل عليه تلقاه مشغول لحد ما يطلع روحك..

*لحد ما يطلع روحي

وتجوع مراتك وعيالك..

مافيش لا زيت بقي ولا سكر..

*مافيش لا زيت بقه ولا سكر

وهو عايش وبمالك..

* ها

بيمشي علطول يتمختر..

*بيمشي علطول يتمختر..

يفضل كده يسرق ويغش لحد ما الخزنة هاتنش..

*لحد ما الخزنة هاتنش

ولما تلقى الحزب فشنك..

*ولما ألقى الحزب فشنك

تعرف بإنك تهت وضعت..

*يـــاه دي الدنيا ضلمة

ضلمة قوي

*والخيبة جاية

* جاية قوي

مع السلامة.. مع السلامة.. مع السلامة في الجولة الجاية..

فتح عينيك

*إياك تهرب..

صوتك صوتك

*للي هيكسب..

أوعى لبيتك ده الصوت صوتك

قرب صوت جرب خش اللجنة وعلم صحصح

يرضيك يابني يلا شاركني إيدي في إيدك نبني نصلح

إيدي في إيدك نبني نصلح

إيدي في إيدك نبني نصلح

---

الليلة الليلة الحزب دا عامل لجنة تساوي جنيه قولوا هيه..

هيه هيه هيه..

وقالوا لنا تشاركوا بصوتكوا تعالوا وشوفوا هيحصل إيه قولوا هيه..

هيه هيه هيه..

اللجنة شاويش يهجم علي الناخب يقبض ضغري عليه.. قولوا هيه

هيه هيه هيه..

نسوان شببير شكل الحناطير طايحين وأنا عارف ليه.. قولوا هيه

هيه هيه هيه..

وكمان واد مرشد قاعد يرصد كل اللي يمر عليه..

هيه هيه هيه..

هيه هيه هيه..

هيه هيه هيه..

---

ياام اللي مزور خشي اللجنة 7 مرات..

أهي مرة بعمة ومرة بلوزة وفيونكات..

الشعب مصحصح

*علقة تفوت ولا بلدي تموت

واقف بيصلح

*بيشارك أهوه حط الصوت..

ياام اللي مزور خشي اللجنة 7 مرات..

أهي مرة بعمة ومرة بلوزة وفيونكات..

-----

ناس من الحكومة هناك أهم..

*هناك أهم هناك أهم

أعمل كمين واندهلهم..

*إندهلهم إندهلهم

لجنتكم زفت وقندلة..

*قندلة قنلدة

اشطب وزور يا وله..

*يا وله أه يا وله

شوفت الصباح بتاع الإصلاح ده قبها

*قبها قبها

والناس ملمومة عليه تشجع بعضها

*يا نور النبي

ميلت فوق إيده وجيت اعضها

*عضها عضها

صحوني من نوم جبت حزب وتاني جاي

*تاني جاي تاني جاي

*وبعوده وبعوده

---

يا ولاد الحلال حزب تايه طول كده..

عكازه الشمال أمن دولة زي ده..

ضاعوا يا ولداه..

*يا مامي..

كام مرشح تاه..

الخيبة الكبيرة يا عمي..

والعسكر كتيرة..

ماليين الشوارع يابا بالشوم والبنادق..

يمكنك التعليق باستخدام الفيس بوك

0 تعليقات

اترك تعليق